Документи – Закон за млади

Консултации за нов Закон за младинско учество и младински политики во Северна Македонија

31 мај, 201931 мај, 2019 by Ана МанасиеваNo Comments

Оваа недела во Скопје, Струмица и Штип започнаа првите консултации со млади за да се чујат нивните ставови за тоа што треба да содржи новиот Закон за младинско учество и младински политики. Младите во Скопје, Струмица и Штип ги споделија своите ставови со претставниците на Собранието на Република Северна Македонија, Агенцијата за млади и спорт, младинските организации и подмладоците за тоа кои проблеми тие би сакале да бидат решени со закон. Младите на сите настани го поздравија консултативниот процес за предлог текстот за Законот за младинско учество и младински политики и го издвоија како најважно рамноправното вклучување на младите во процесот на одлучување за теми кои ги засегаат. На настанот во Скопје се обратија Дарко Каевски (Агенција за млади и спорт), Блажен Малески (Национален младински совет на Македонија) и Стефан Андоновски (ВМРО-ДПМНЕ). Младите на настанот во Скопје посочија дека нивниот глас ретко се слуша од институциите и на локално и на национално ниво, па сметаат дека Локалните младински совети и Националното...

Започнуваат консултациите за Законот за младинско учество и младински политики

23 мај, 201927 мај, 2019 by Ана МанасиеваNo Comments

Почнуваат првите консултации за нов Закон за младинско учество и младински политики во Северна Македониja, на кои младите од целата држава ќе имаат можност да го кажат своето мислење и ставови за предлог текстот на Законот. Во текот на следната недела во Скопје, Струмица и Штип ќе се одржат јавни дебати на кои ќе се дискутира содржината на предлог текстот, како и потенцијални насоки за подобрување на Законот за да одговара на потребите на младите во Северна Македонија. Дебатите и иницијативата за Законот за младинско учество и младински политики се организирани од работна група која ја сочинуваат претставници од: Пратеничкиот клуб за младински прашања и политики при Собранието на Република Северна Македонија, Агенцијата за млади и спорт и Владата на Република Северна Македонија, како и претставници на младинските организации Национален младински совет на Македонија, Коалиција на младински организации СЕГА и подмладоците на БЕСА, ВМРО-ДПМНЕ, ДУИ и СДСМ. На овие консултативни настани се поканети сите заинтересирани млади луѓе кои сакаат да дознаат што значи Закон...

Работни сесии за Законот за младинско учество и младински политики во Крушево

18 март, 201919 мај, 2019 by Ана МанасиеваNo Comments

Работна сесија за предлог текстот на Законот за младинско учество и младински политки, се одржа викендот од 15 - 17 март, во Хотел Монтана Крушево. На тридневната работилница се финализираше предлог – Законот за младинско организирање и учество, а исто така се утврдија идните чекори во однос на споделување на содржината на Законот со пошироката јавност и одржување на консултативни средби со млади. Оваа работилница беше во организација на Мисијата на ОБСЕ во Скопје, а на истата покрај членовите на работната група, присуствуваше и правниот експерт ангажиран од страна на Мисијата, м-р. Денис Прешова. ...

Работилница за Закон за млади во Попова Шапка

15 октомври, 201819 мај, 2019 by Ана МанасиеваNo Comments

За потребите на подготовка Законот за Млади, Мисијата на ОБСЕ во Скопје во соработка со Агенцијата за млади и спорт на РМ, организираше три-дневна работилница за подготовка на нацрт текст на Законот за Млади, на која беше поканета целата експертска работна група составена од претставници на Клубот на млади (Собрание на РМ), Агенцијата за млади и спорт, Владата на РМ, политичките подмладоци и претставници на граѓанскиот сектор на организации кои работат со и за млади. Работилницата се одржа од 12 до 14 октомври, во хотелот „Скардус“ на Попова Шапка, според предлог агенда и насоки за работа кои беа усвоени на почетокот на настанот од страна на сите присутни претставнички тела. На средбата беа разгледани тековните материјали и препораките, се дефинираа целите на Законот и областите и се разговараше за содржината во секое од поглавјата кои ќе ги опфати Законот. ...

[Видео] Зошто Закон за млади?

17 септември, 201819 мај, 2019 by Ана МанасиеваNo Comments

Националниот младински совет на Македонија подготви едукативно видео за потребата од постоење на Закон за млади во Република Македонија. Видеото е изработено во рамки на проектот „Активни Денес – Алатки за спроведување на младинските политики“. Од Националниот младински совет на Македонија посочуваат дека Законот за млади го сметаат за клуч за квалитетна основа за младинските политики и затоа и го ставиле во фокусот на локаните активности во рамките на овој проект. ...

Одржан прв јавен настан за Закон за млади

18 мај, 201819 мај, 2018 by администраторNo Comments

По повод отпочнувањето на процесот за креирање на Законот за млади, вчера во Собранието на Република Македонија се одржа јавен настан на кој се дискутираше начинот на креирање на Законот, како и потребите, правата и обврските на младите кои треба да се уредени со овој закон. Модератор на овој настан беше пратеничката Ивана Туфекџиќ а на настанот говореа: потпретседателката на Собрание на Република Македонија Фросина Ташевска Ременски, директорот на Агенција за млади и спорт Дарко Каевски, пратеничката Невенка Стаменковска, претседателот на Националниот младински совет на Македонија Блажен Малески, пратеникот Костадин Костадинов, извршниот директор на Коалиција СЕГА Зоран Илиески, пратеникот Агим Шаќири и пратеничката Теута Биљаљи. Процесот за креирање на Законот за млади започнува на иницијатива на Клубот за младински прашања и политики при Собрание на Република Македонија. Креирани се три работни групи од кои едната е составена од пратеници – членови на Клубот за младински прашања и политики, втората предводена од Агенцијата за млади и спорт а составена од претставници на институциите на Владата...